Почитувани корисници,
Ве замолуваме внимателно да ги прочитате Општите услови за користење пред да започнете со користење на нашата електронска платформа www.hommex.mk (во натамошниот текст: Платформа).
Општите услови за користење ги регулираат условите за објавување на огласи за продажба и издавање на недвижности преку Платформата, правата и обврските на корисниците, и другите прашања важни за функционирање на Платформата во рамките на Друштво за трговија и услуги ВОРТЕК ИНОВАТИОНС ДОО Скопје со седиште на ул. Њуделхиска бр. 6/1-13, Карпош Скопје со е-mail адреса: hello@vortec.io кое е заведено во Трговскиот регистар и регистар на други правни лица со ЕМБС 7757832, ЕДБ MK4057024570335 (во натамошниот текст: „ВОРТЕК ИНОВАТИОНС, Друштвото, платформата или Ние").
Со користење на Платформата, Вие се согласувате со Општите услови за користење и потврдувате дека сте ги прочитале, разбрале и прифатиле. Условите за користење се засноваат на Законот за облигационите односи, Законот за заштита на потрошувачите, Законот за заштита на личните податоци и останатите прописи кои се во важност на територија на Република Северна Македонија.
Општите услови за користење ги опфаќаат следните работи:
За целите на овие Општи услови за користење, следните поими ги имаат наведените значења:
Секое полнолетно физичко лице има право да креира кориснички профил на Платформата. Регистрацијата може да се изврши на следните начини: со внесување на е-маил адреса и поминување низ процесот на верификација, или преку поврзување со Google, Facebook или Apple сметка.
При регистрација преку е-маил, на внесената е-маил адреса се испраќа порака за верификација. Валидноста на линкот за потврда е 24 часа. По потврдувањето на е-маил адресата, корисникот го завршува креирањето на профилот со внесување на: име, презиме, датум на раѓање и телефонски број.
Корисникот е одговорен за точноста на сите внесени податоци. При објавување на оглас, е-маил адресата и телефонскиот број стануваат јавно видливи за да можат заинтересираните лица да го контактираат огласувачот.
Секое претпријатие кое е регистриран даночен обврзник во Република Северна Македонија или надвор од неа, има право да креира кориснички профил. При креирање на профил за претпријатие потребно е да се внесат следните податоци: назив на правното лице, телефонски број и даночен број. Наведениот даночен број не се прикажува јавно во објавените огласи.
Корисникот е одговорен за чување на безбедноста на својата сметка, вклучувајќи ја лозинката и пристапните податоци. Корисникот не треба да ја споделува лозинката со трети страни. ВОРТЕК ИНОВАТИОНС не сноси одговорност за неовластен пристап до корисничката сметка предизвикан од пропуст на корисникот.
Платформата води листа на активни автентицирани сесии за секој корисник, која е достапна за преглед од страницата за безбедност на сметката. За секоја сесија се прикажуваат: уред, приближна локација и време на последна активност. Корисникот може од далечина да се одјави од било која активна сесија.
Кога ќе се изврши најава од уред кој претходно не бил забележан за сметката, на верифицираната е-маил адреса се испраќа известување за безбедност. Дополнително, при секоја промена на лозинка се испраќа е-маил за потврда.
Неактивните сесии автоматски истекуваат по 60 дена за веб клиентот и по 365 дена за мобилните апликации.
За детални информации за податоците кои се чуваат за активните сесии, Ве упатуваме на точка 3.19 од нашата Политика за приватност.
Објавените огласи мораат да бидат во согласност со позитивните законски прописи на Република Северна Македонија, регулативите во соодветната дејност и политиката на Платформата.
Огласите автоматски се објавуваат по завршувањето на процесот на креирање, без претходна рачна проверка и одобрување од страна на администраторите. Сепак, Платформата применува автоматска модерација на сликите (опишана во Секција 4) и го задржува правото да изврши дополнителна проверка и бришење на огласи кои не се во согласност со политиката.
Недвижноста за која е објавен огласот е прикажана и на интерактивна мапа.
ВОРТЕК ИНОВАТИОНС го задржува правото да избрише објавен оглас кој ги прекршува горенаведените правила, без да изврши поврат на потрошените средства. Доколку огласувачот потрошил средства за објава на повеќе огласи, а се појави проблем со еден од нив, огласувачот нема право да бара поврат на средствата за другите огласи.
Платформата го задржува правото да одлучи кога огласот е класифициран како оглас на физичко лице наспроти оглас на претпријатие.
Платформата применува автоматска модерација на сликите прикачени на огласите, со цел обезбедување на безбедна и соодветна средина за сите корисници. Сликите автоматски се анализираат за откривање на непримерен материјал, вклучувајќи содржини за возрасни, насилство, оружје и друг недозволен материјал.
Доколку автоматскиот систем утврди дека одредена слика го прекршува нашата политика, таа ќе биде одбиена и нема да биде објавена. Оваа анализа не вклучува идентификација на лица. Доколку сметате дека Ваша слика е неосновано одбиена, можете да побарате рачна проверка преку нашиот тим за корисничка поддршка на е-маил: hello@hommex.co.
Правила за прикачување на слики и видео:
Сите слики и видеа објавени на Платформата се означуваат со заштитен знак на Hommex, со цел спречување на нивна злоупотреба надвор од Платформата. ВОРТЕК ИНОВАТИОНС го задржува правото да ги отстрани сликите и видео клиповите кои ги прекршуваат горенаведените правила.
Регистрираните корисници имаат можност да управуваат со своите огласи преку корисничкиот профил. Достапните статуси на огласот се:
Корисникот може во секое време да го избрише својот оглас. По бришењето, сите податоци и слики поврзани со огласот трајно се отстрануваат, вклучувајќи ги и автоматски генерираните преводи на други јазици (види Секција 19).
Платформата им овозможува на регистрираните корисници да комуницираат меѓусебно преку внатрешен систем за пораки. Пораките може да се испратат во врска со конкретен оглас, при што огласувачот добива известување на е-маил за новата порака.
Корисниците се обврзуваат да го користат системот за пораки исклучиво за комуникација поврзана со огласите и недвижностите. Не е дозволено користење на системот за пораки за испраќање на спам, рекламни пораки, заканувачки или навредливи содржини, или за било каква друга злоупотреба.
ВОРТЕК ИНОВАТИОНС не превзема одговорност и нема пристап до содржината на приватната комуникација помеѓу корисниците, освен во случаи кога тоа е побарано од надлежен орган согласно важечкото законодавство.
Секој корисник или посетител има право да пријави оглас или кориснички профил кој ги прекршува правилата на Платформата. Пријавувањето може да се изврши преку соодветната функција на Платформата со наведување на причината за пријавата.
ВОРТЕК ИНОВАТИОНС ги разгледува пријавите и го задржува правото да преземе соодветни мерки, вклучувајќи бришење на огласот, деактивирање на корисничкиот профил или ограничување на пристапот до Платформата.
При користење на Платформата, забрането е:
Платформата нуди претплатнички планови кои на корисниците им обезбедуваат дополнителни функционалности и погодности. Конкретните функционалности, цени, услови за обновување, откажување и рефундација на претплатничките планови се детално опишани во нашата Политика за претплата.
Со претплата на било кој план, корисникот потврдува дека ги прочитал, разбрал и прифатил условите содржани во Политиката за претплата.
Друштвото за трговија и услуги ВОРТЕК ИНОВАТИОНС ДОО Скопје со ЕДБ MK4057024570335 и ЕМБС 7757832 е ДДВ обврзник.
Плаќањата на Платформата се вршат преку платежна картичка (VISA или MasterCard). Сите трансакции се процесираат преку платежниот процесинг систем на Халк банка АД Скопје, која е сертифицирана од VISA и MasterCard за процесирање на трансакции. При плаќањето се користи HTTPS безбедносен протокол и Secure Socket Layer (SSL) технологија за заштита на податоците. Ние немаме никаков увид на податоците од Вашата платежна картичка (број на картичка, безбедносен код или состојба на Вашата сметка).
Секое претпријатие кое е регистриран корисник, покрај со платежна картичка може да изврши плаќање и со фактура. За тоа потребно е да го контактирате тимот за корисничка поддршка на е-маил: hello@hommex.co.
По извршеното плаќање за објава на оглас, не вршиме поврат на потрошените средства, освен во случаи предвидени со важечкото законодавство.
За рефундација поврзана со претплатничките планови, се применуваат условите утврдени во Политиката за претплата.
Сите содржини на Платформата, вклучувајќи го дизајнот, логото, графичките елементи, софтверот и базата на податоци, се интелектуална сопственост на ВОРТЕК ИНОВАТИОНС или се користат врз основа на соодветна лиценца. Неовластеното копирање, дистрибуција или употреба на овие содржини е забрането и подлежи на правна одговорност.
Со објавувањето на оглас, огласувачот потврдува дека има право да ги користи сите содржини (текст, слики, видеа) вклучени во огласот и дека со нивното објавување не се повредуваат права на трети лица. Огласувачот му дава на ВОРТЕК ИНОВАТИОНС неексклузивно право да ги прикажува, складира, обработува и преведува содржините на огласот на други јазици за целите на обезбедување на услугата (види Секција 19).
Сите слики и видеа објавени на Платформата се означуваат со заштитен знак на Hommex, со цел спречување на нивната злоупотреба надвор од Платформата.
www.hommex.mk не ги поддржува ставовите и гледиштата објавени на страниците до кои водат линковите поставени од корисниците.
ВОРТЕК ИНОВАТИОНС не сноси одговорност за недвижноста која е предмет на огласување. Продавачите и купувачите самите ја сносат целосната одговорност за трансакциите извршени помеѓу нив. Платформата служи исклучиво како посредник за поврзување на огласувачите и заинтересираните лица.
ВОРТЕК ИНОВАТИОНС не гарантира за точноста, комплетноста или актуелноста на информациите содржани во огласите. Корисниците се одговорни за точноста на податоците кои ги внесуваат.
ВОРТЕК ИНОВАТИОНС ќе вложи разумни напори за обезбедување на непрекината достапност на Платформата. Сепак, не гарантираме дека Платформата ќе биде достапна без прекини, грешки или технички проблеми. Не сносуваме одговорност за штети настанати поради привремена недостапност на Платформата или технички проблеми.
Корисникот може во секое време да ги промени податоците на својот кориснички профил преку поставките на сметката.
Корисникот има право да побара трајно бришење на својата сметка. При бришење на сметката, трајно се отстрануваат сите лични податоци, огласи (вклучувајќи ги сите слики, датотеки и автоматски генерирани преводи поврзани со нив), пораки, зачувани омилени огласи, зачувани пребарувања и претплати поврзани со сметката. Оваа акција е неповратна.
Бришењето на сметката не подразбира надоместок за активни претплатнички планови. Финансиските податоци поврзани со извршени трансакции може да се задржат во согласност со важечкото даночно и сметководствено законодавство.
Платформата нуди Premium претплатнички планови кои на корисниците им обезбедуваат дополнителни функционалности. Деталниот преглед на Premium функционалностите, вклучувајќи ги нивните описи и придобивки, е достапен на нашата Premium страница.
За условите за плаќање, обновување, откажување и рефундација на претплатничките планови, Ве упатуваме до нашата Политика за претплата.
Една од Premium функциите е Анализа на конкуренција. Претплатените корисници што ја имаат оваа функција, како и администраторите, можат да видат преглед на ангажираноста на кој било оглас на Платформата — бројот на прегледи и контакти во последните 30 дена, тековниот број на омилени и бројот на денови откако огласот е објавен. Обратно, соодветните збирни показатели на вашите огласи стануваат видливи за другите корисници што ја имаат оваа функција. Сопственикот на огласот секогаш ги гледа перформансите на сопствените огласи. Станува збор за збирни бројки што не го откриваат идентитетот на лицата што ги генерирале. За детали за обработката на овие податоци, ве упатуваме на нашата Политика за приватност.
Платформата им овозможува на регистрираните корисници да зачуваат критериуми за пребарување на недвижности. Системот периодично (на секои 30 минути) автоматски проверува дали се појавиле нови огласи кои одговараат на зачуваните критериуми и го известува корисникот преку push известување, е-пошта и/или известување во апликацијата, во зависност од поставените преференции за известувања.
Корисникот може да управува со преференциите за известувања (пораки, зачувани пребарувања, статистика) преку поставките на својата сметка. Корисникот може да ги избрише зачуваните пребарувања во секое време.
Платформата овозможува креирање на агенциски профил кој може да содржи еден или повеќе агенти (подкорисници). Агенцијата е одговорна за управување со своите агенти и нивните огласи.
При бришење на агент, огласите поврзани со тој агент остануваат активни, а контакт информациите автоматски се заменуваат со стандардните контакт информации на агенцијата.
Агенциите имаат можност да пристапат до API (програмски интерфејс) на платформата за автоматизирано управување со огласите. Со активирање на API пристапот, агенцијата потврдува дека ќе го користи интерфејсот одговорно, во согласност со овие Услови, и дека ќе преземе соодветни мерки за безбедност на API клучевите. ВОРТЕК ИНОВАТИОНС не сноси одговорност за штета настаната поради неовластено користење на API клучевите од страна на трети лица, предизвикана од пропуст на агенцијата. Злоупотребата на API пристапот може да резултира со деактивирање на пристапот и/или корисничката сметка.
Претплатените корисници имаат пристап до Hommex AI — функционалност за автоматско генерирање или подобрување на наслов и опис за огласите со помош на вештачка интелигенција. Генерираната содржина претставува предлог и корисникот е целосно одговорен за нејзиното прегледување, уредување и објавување.
Со цел да овозможиме пристап до огласите на корисници кои зборуваат различни јазици, платформата автоматски ги преведува насловите и описите на објавените огласи на нашите активни јазици (македонски, англиски, српски, албански) преку AI провајдерот Anthropic (модел Claude). Оригиналната содржина секогаш останува зачувана и видлива, а преведените верзии се означуваат со индикатор „Преведено од Hommex AI".
Како огласувач, со објавувањето на оглас му давате на ВОРТЕК ИНОВАТИОНС неексклузивно право Вашата содржина (наслов и опис) да биде автоматски преведена и прикажана на посетителите на платформата на други јазици. Посетителите на платформата имаат можност во секој момент да ја видат оригиналната (непреведена) верзија на огласот преку соодветен копче на страницата на огласот.
ВОРТЕК ИНОВАТИОНС не гарантира за точноста, оригиналноста или соодветноста на AI-генерираната или AI-преведената содржина. Корисникот е одговорен да обезбеди дека објавената содржина е точна, не ги повредува правата на трети лица и е во согласност со правилата за огласување наведени во овие Услови.
Доколку забележите неточности или проблеми со AI-генерирана или AI-преведена содржина на Вашиот оглас, можете да го контактирате нашиот тим за корисничка поддршка на hello@hommex.co.
Регистрираните корисници имаат право да ги оценат автоматските преводи на огласи преку „палец нагоре" или „палец надолу" копче кое е достапно на страницата на секој преведен оглас. Оценките се користат исклучиво за интерно следење на квалитетот на преводите и не се прикажуваат јавно на другите корисници.
Корисникот може во секое време да ја промени или повлече својата оценка. Огласувачот нема пристап до индивидуалните оценки на своите огласи. За детали за обработката на овие податоци, Ве упатуваме на нашата Политика за приватност.
Платформата им овозможува на регистрираните корисници и на неавтентицираните посетители да се претплатат на нашиот newsletter за да примаат информации за нови огласи, совети и содржини од платформата.
Претплатата на newsletter е доброволна и се остварува со внесување на е-маил адреса и давање на согласност. Во секое известување е вклучен линк за отпишување, и можете во било кој момент да се отпишете од newsletter преку тој линк или со обраќање до нашиот тим на hello@hommex.co.
Повеќе информации за обработката на личните податоци поврзани со newsletter се содржани во Политиката за приватност.
Платформата им овозможува на регистрираните корисници и на неавтентицираните посетители да ги следат огласите кои претходно ги прегледале. Системот автоматски бележи кога посетувате страница на оглас и ја прикажува листата на „Неодамна разгледани огласи" за лесно враќање на истите.
За регистрираните корисници, листата се чува на нивната сметка и е достапна од сите уреди на кои се најавени. За неавтентицираните посетители, листата се чува локално на нивниот уред (преку „localStorage" на прелистувачот) и не се пренесува до нашите сервери. При прва најава, локалната листа се префрлува на корисничката сметка.
Во двата случаја, листата е ограничена на најмногу 50 најнови записи — постарите записи автоматски се отстрануваат. Корисникот може во секое време да отстрани поединечен запис или да ја избрише целата историја.
За повеќе информации за начинот на чување и обработка на овие податоци, Ве упатуваме на нашата Политика за приватност.
ВОРТЕК ИНОВАТИОНС ја почитува и заштитува Вашата приватност. За детални информации за тоа како ги собираме, обработуваме и заштитуваме Вашите лични податоци, Ве упатуваме до нашата Политика за приватност. За информации за колачињата кои ги користиме, Ве упатуваме до нашата Политика за колачиња.
Користењето на Платформата е достапно исклучиво за полнолетни лица (постари од 18 години). Со регистрацијата и користењето на Платформата, потврдувате дека сте полнолетно лице и дека имате право да склучувате договори и извршувате плаќања согласно важечкото законодавство.
ВОРТЕК ИНОВАТИОНС го задржува правото да изврши измени на овие Општи услови за користење во кое било време. Продолженото користење на Платформата по објавувањето на измените претставува прифаќање на изменетите Услови.
Измените стапуваат во сила со самото објавување на Платформата, освен доколку не е поинаку назначено.
Овие Општи услови за користење се толкуваат и применуваат во согласност со законите на Република Северна Македонија. За сите спорови кои произлегуваат од или се поврзани со овие Услови, надлежен е судот во Скопје, Република Северна Македонија.
Пред поведување на судски постапки, страните ќе се обидат да го решат спорот по пат на меѓусебен договор. Корисникот има право да поднесе приговор до ВОРТЕК ИНОВАТИОНС, кој ќе биде разгледан во рок од 15 (петнаесет) работни дена од приемот на приговорот.
За прашања, барања или поплаки во врска со овие Услови или Платформата, можете да не контактирате на: